У НАН Беларусі стартаваў прыём заявак для ўдзелу ў канферэнцыі «Першы крок у навуку»

Нацыянальная акадэмія навук Беларусі прымае заяўкі для ўдзелу ў канферэнцыі навучэнцаў «Першы крок у навуку», якая адбудзецца ў студзені 2027 г. напярэдадні Дня беларускай навукі.

Мерапрыемства праводзіцца ў мэтах папулярызацыі навукова-даследчай дзейнасці сярод моладзі, павышэння аўтарытэту навуковай працы, а таксама развіцця творчых здольнасцяў і цікавасці вучняў да навукі.

Тэматычныя напрамкі канферэнцыі:

• фізіка, матэматыка і інфарматыка;
• фізіка-тэхнічныя інавацыі;
• хімія і прыродакарыстанне;
• эксперыментальная біялогія;
• біяразнастайнасць;
• медыцына будучыні;
• экалогія, гуманітарныя веды і творчасць у XXI стагоддзі;
• інавацыі ў АПК.

Да ўдзелу запрашаюцца навучэнцы 10-11 класаў, прафесійна-тэхнічных і сярэдніх спецыяльных устаноў адукацыі, якія прайшлі папярэдні адбор конкурснай камісіяй па выніках ацэнкі пададзенай на ўдзел заяўкі.

Для ўдзелу ў канферэнцыі аўтар (або калектыў аўтараў да 3 чалавек) можа падаць толькі адну працу па адным з кірункаў. Матэрыялы прымаюцца па 1 лістапада 2026 г.

Фармат удзелу – вочны даклад, які можа быць дапоўнены ілюстрацыйным матэрыялам (прэзентацыя, макет, раздатачны матэрыял, узоры і інш.). Завочны ўдзел у канферэнцыі не прадугледжаны. Усім дакладчыкам уручаюцца сертыфікаты.

Азнаёміцца з умовамі і іншай інфармацыяй пра мерапрыемства можна па спасылцы.

Па матэрыялах НАН Беларусі

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).